ԿԻՆ: Հիվանդություններ
Արտադրություն հեշտոցից. morevmankan.am
![Արտադրություն հեշտոցից. morevmankan.am Արտադրություն հեշտոցից. morevmankan.am](up/article/big/file_63234_9176901.jpg)
Հեշտոցի լորձաթաղանթում տեղակայված են բազմաթիվ գեղձեր, որոնք մշտապես արտադրում են ոչ մեծ քանակի լորձ, որը մի քանի կարևոր գործառույթ ունի.
- մահացած բջիջների հեռացում,
- անհրաժեշտ թթվության ապահովում,
- մանրէների ոչնչացում,
- լորձաթաղանթի խոնավացում։
Ֆիզիոլոգիական բնույթի արտադրությունը չունի գույն և հոտ, Իսկ հեշտոցի պատերի կամ արգանդի վզիկի շուրջ տհաճ զգացողություն ի հայտ գալիս արտադրությունը դառնում է դեղնավուն և հոտով․ դա կարող է գեղձերի աշխատանքի խանգարման արդյունք լինել:
Հեշտոցից արտադրության դասակարգումը
Ախտաբանության բնույթը պարզելու համար կարևորվում են արտադրությունների 3 հատկություններ՝ գույնը, հոտը և կոնսիստենցիան։
Գույնը
Տարբեր խնդիրների ժամանակ արտադրության գույնը կարող է լինել սպիտակ, շագանակագույն, դեղին կամ արյան հետքերով։
- Դեղին կամ կանաչավուն լինում է բակտերիալ կամ վիրուսային վարակի ժամանակ։
- Սպիտակ արտադրությունը կաթնախտի նշան է։ Այս ախտաբանությունն առաջացնում են կանդիդա սնկերը /կանդիդոզ/: Նորմայում սպիտակ, թանձր արտադրությունն արտահայտվում է հղիության երրորդ եռամսյակում։
- Արտադրությունների ամենավտանգավոր տարբերակը շագանակագույնն է կամ արյունայինը։ Աորմայում արյուն պետք է լինի միայն դաշտանի ժամանակ։ Երբեմն հեշտոցից նման արտադրություններ լինում են հորմոնալ պատրաստուկներով բուժման կուրսի սկզբում: Այլ դեպքերում դա վկայում է դիսհորմոնալ խանգարումների, պրոգրեսիվող էրոզիայի, պոլիպների, կիստայի մասին։
Հոտը
Տարբերում են արտադրությունների թթու, քաղցրավուն և տհաճ հոտ:
Նորմայում ևս արտադրությունները որոշ հոտ ունեն, բայց դա աննշան է և տարբեր մարդկանց մոտ տարբեր է՝ կախված անհատական առանձնահատկություններից։
Ախտաբանության դեպքում հոտը փոխվում է՝ ուժեղանում է, դառնում տհաճ.
- Քաղցրավուն կամ թթու հոտը բնորոշ է կաթնախտին, պատճառը սնկերի օգտագործած գլյուկոզայի ավելցուկն է, որը հեռանում է լորձի հետ՝ փոխելով նրա գույնը և հոտը։
- Տհաճ հոտը վկայում է բակտերիալ ախտահարման մասին: Բակտերիաները, հատկապես անաէրոբ, իրենց գործունեության արդյունքում արտադրում են քայքայման կամ ալկոհոլային խմորման նյութեր, որոնք էլ այդպիսի հոտի պատճառ են:
Թանձրությունը
Ախտաբանության տեսակը պարզելու համար կարևոր է նաև արտադրության թանձրությունը. լորձը պետք է լինի ջրիկ. նրա թանձրությունը կարող է որոշ չափով փոխվել դաշտանային ցիկլի փուլից կախված: Ախտաբանության դեպքում այն կարող է դառնալ թանձր կամ փրփուրային:
- Թանձր արտադրությունն առաջանում է սնկային կանդիդոզի ժամանակ։ Այն կարելի է համեմատել կաթնաշոռի հետ:
- Փրփուրային արտադրությունը լինում է բակտերիալ ախտահարման դեպքում՝ հատկապես սեռական ճանապարհով փոխանցվող բակտերիալ վարակների՝ տրիխոմոնիազի ժամանակ:
Բացի արտադրությաբ որակից, փոխվում է նաև նրա քանակը:
Հեշտոցից արտադրության ավելացումը, որպես օրենք, վկայում է ֆիզիոլոգիական (նորմալ) հորմոնալ փոփոխությունների մասին հղիության ընթացքում կամ դաշտանային ցիկլի մեջտեղում։ Ախտաբանության մասին կարելի է խոսել միայն նաև որակակական փոփոխության դեպքում:
Արտադրության պակասումը հորմոնալ խանգարումների արդյունք է: Դա կարող է լինել մենոպաուզայի ժամանակ, հորմոնալ դեղորայքային բուժման սկզբում կամ հիպոպլազիայի և լորձաթաղանթի գեղձերի ատրոֆիայի դեպքում։ Այս փոփոխությունն ուղեկցվում է նաև չորությամբ, լորձաթաղանթի վնասմամբ, ցավոտ սեռական հարաբերությամբ:
Արտադրության փոփոխության պատճառները
Նորմայում կնոջ մոտ մշտապես արտադրվում է որոշ քանակությամբ լորձ, որի քանակը և որակը կարող են փոքր-ինչ փոխվել՝ կախված դաշտանային ցիկլի փուլից, հորմոնալ մակարդակից, հորմոնալ դեղերի ընդունման սկզբում կամ հուզական վիճակի ազդեցությամբ։ Որոշ դեպքերում արտադրության փոփոխման (հոտի, գույնի, թանձրության) պատճառ կարող է լինել ախտաբանական որևէ խնդիր։
Հիմնական պատճառներն են.
- հեշտոցի պատերի կամ մուտքի սնկային ախտահարումը (կանդիդոզ),
- բակտերիալ վարակը (բակտերիալ վագինոզ, ոչ սպեղիֆիկ կոլպիտ),
- պարազիտար մակաբույծներով ախտահարումը (տրիխոմոնիազ, խլամիդիոզ, ուրեապլազմոզ),
- վիրուսային ախտահարումները,
- դիսհորմոնալ խանգարումները,
- Էնդոմետրիտը։
Շատ ախտաբանալան վիճակներ արտահայտվում են ոչ միայն արտադրությունների փոփոխությամբ, այլ նաև ցավային զգացողությամբ, այրոցով, միզարձակման խնդիրներով, ցավոտ սեռական ակտով։
Բուժումը
Բուժման համար կարևոր է պարզել ախտաբանության պատճառը:
Բակտերիալ խանգարման դեպքում նշանակվում է հակաբակտերիալ բուժում, տեղային մոմիկներ, քսուքներ:
Սնկային ախտահարման դեպքում օգնում են տեղային և ընդհանուր ազդեցության հակասնկային միջոցները։
Վիրուսային խնդիրների ժամանակ անհրաժեշտ է անցկացնել հակավիրուսային դեղորայքային կուրս:
Կիստայի, պոլիպների դեպքում երբեմն անհրաժեշտ է դրանց վիրահատական հեռացում և հյուսվածաբանական հետազոտություն։
![](images/calendar.png)
Կարդացեք նաև
![Էնդոկրին համակարգի խանգարումները կանանց մոտ. morevmankan.am Էնդոկրին համակարգի խանգարումները կանանց մոտ. morevmankan.am](up/article/small/file_63374_4054380.jpg)
Էնդոկրին համակարգի յուրաքանչյուր խանգարում (հորմոնի ավելցուկային կամ թերի արտադրություն), հորմոնների միջև հավասարակշռության ցանկացած խախտում կնոջ օրգանիզմում կարող է առաջացնել...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
Warning: mysqli::query(): (HY000/1): Can't create/write to file '/var/tmp/MYctM7U3' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384